काठमाडौं । नेपाली सुनचाँदी बजारमा आज सुनको भाउ अघिल्लो कारोबार दिनका तुलनामा प्रतितोला आठ सयले उकालो लागेको छ ।
मङ्गलबार प्रतितोला एक लाख ४ सयमा कारोबार भएको छापवाल सुनको भाउ आजका लागि प्रतितोला एक लाख एक हजार २ सय तोकिएको हो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख ७ सय रुपैयाँमा कारोबार भइरहेको छ । तेजावी सुन अघिल्लो दिन ९९ हजार नौ सयमा कारोबार भएको थियो ।
त्यस्तै चाँदीको मूल्य अघिल्लो कारोबार मूल्यका तुलनामा २५ ले वृद्धी भई प्रतितोला एक हजार चार सय पुगेको महासङ्घले जनाएको छ ।