काठमाडौं । भारतीय अभिनेत्री तुनिषा शर्मा आत्महत्या प्रकरणमा नयाँ तथ्य फेला परेको छ । तुनिषा आत्महत्या प्रकरणमा पक्राउ परेका उनका प्रेमी शिजन खानले अर्की प्रेमिकासँग डेट गरिरहेको तथ्य फेला परेको हो ।
मुम्बई प्रहरीले खानको नयाँ प्रेमिका भेटिएको बताएको छ । प्रहरीले आरोपित खानको २५० देखि ३०० पृष्ठको ह्वाट्सएप च्याट अनुसन्धान गरेको थियो । शिजनले नयाँ प्रेमिकासँगको गोप्य च्याट डिलिट गरेका थिए । उनकी नयाँ प्रेमिका पनि एक टीभी सिरियलकी अभिनेत्री भएको खुलेको छ ।
डिसेम्बर २४ मा तुनिषाले टिभी सिरियल ‘अलिबाबा’को सुटिङ सेटमा झुन्डिएर आत्महत्या गरेकी थिइन् । टीभी अभिनेत्री तुनिषाले आत्महत्या गरेको केही घण्टापछि उनकी आमाको उजुरीमा उनका सह–कलाकार शिजन मोहम्मद खानलाई प्रहरीले पक्राउ गरेको थियो ।
शिजनलाई आत्महत्या दुरुत्साहन मुद्दामा ४ दिनको म्याद थप गरी प्रहरी हिरासतमा राखिएको छ ।
