काठमाडौं । लोकतान्त्रिक समाजवादी पार्टी (लोसपा) पनि सरकारमा जाने भएको छ । प्रधानमन्त्री पुष्पकमल दाहाल ‘प्रचण्ड’लाई विश्वासको मत दिएको लोसपा एकजना मन्त्री लिएर सरकारमा जान तयार भएको हो ।
माओवादी केन्द्रका अध्यक्षसमेत रहेका प्रधानमन्त्री प्रचण्डबीच र एमाले अध्यक्ष केपी शर्मा ओलीबीच लोसपालाई सरकारमा ल्याउनेबारे केही दिन यता छलफल हुँदै आएको हो । सोक्रममा ओली लोसपालाई सरकारमा ल्याउन सहमत भएका छन् ।
लोसपाले पनि सरकारमा जाने जनाएको छ ।
लोसपाका एक नेताका अनुसार सरकारमा जाने पक्का भएपनि मन्त्रीको नामबारे भने निर्णय भइसकेको छैन । ती नेताले भने, ‘पार्टीमा सरकारमा जानेबारे निर्णय भएपनि मन्त्रीबारे छलफल हुन बाँकी नै छ ।’ लोसपाको प्रतिनिधिसभामा चार सांसद छन् ।
