काठमाडौं । सशस्त्र प्रहरी बलका महानिरीक्षक राजु अर्यालले आफ्ना ‘गुरुबा’ (प्रशिक्षक) लाई एपिएफ आइजिपी सम्मानबाट पुरस्कृत गरेका छन् । अबकाश प्राप्त सशस्त्र प्रहरी निरीक्षक कोमल बहादुर थापालाई उनले पुरस्कृत गरेका हुन् । सोमबार २२ औं सशस्त्र प्रहरी दिवसको अवसरमा उनले सो पुरस्कार प्रदान गरेका गरिएको हो ।
प्रहरी निरीक्षक आधारभुत तालिमका दौरान २०५४ सालमा राष्ट्रिय प्रहरी प्रशिक्षण प्रतिष्ठान महारागंजमा थापाले अर्याललाई प्रशिक्षण दिएका थिए । अर्याल नेपाल प्रहरीमा इन्सपेक्टरमा भर्ना भई २०५८ सालमा सशस्त्र प्रहरीमा स्थानान्तरण भएका थिए । यही वर्षदेखि सशस्त्र प्रहरीमा सुरु भएको एपिएफ आइजिपी सम्मान उनलाई प्रदान गरिएको छ ।
