काठमाडौं । यूएसएआईडीका प्रमुख सामन्था पावर भक्तपुरको सानोठिमीस्थित आदर्श मावि पुगेका छन् ।
आज बिहानै काठमाडौं आइपुगेका पावर विद्यार्थीहरुसँग अन्तरक्रिया गर्न आदर्श मावि पुगेका हुन् । साथै उनले त्यहाँ विद्यार्थीहरूसँग बास्केटबल पनि खेल्ने छन् । उनलाई स्कुलका विद्यार्थीहरुले परम्परागत नेवारी नाच देखाएर स्वागत गरेका थिए ।
अमेरिकी विदेश मन्त्रालयको राजनीतिक मामिला हेर्ने उपमन्त्री भिक्टोरीया नुल्यान्डले नेपाल भ्रमण गरेर फर्किएको एक साता नपुग्दै सामन्था नेपाल आएकी हुन् । अमेरिकाको राष्ट्रिय सुरक्षा परिषदको सदस्यसमेत रहेकी उनी अमेरिकाको क्याबिनेट स्तरकी उच्च अधिकारी हुन् ।
आज उनले प्रधानमन्त्री पुष्पकमल दाहाल प्रचण्ड, उपप्रधानमन्त्री तथा अर्थमन्त्री विष्णु पौडेल, परराष्ट्रमन्त्री विमला राई पौड्याल, नागरिक समाजका अगुवा, सामुदायिक समूहहरू र व्यवसायीहरूसँग भेटघाट गर्ने कार्यक्रम छ ।
