गाडीको ठक्करबाट भक्तपुरमा मोटरसाइकल चालकको मृत्यु

काठमाडौं । सूर्यबिनायक नगरपालिका–९ पलासेस्थित सडकमा प्रदेश २–००१ च ०४११ नम्बरको गाडीले लु.८८ प ६२०८ नम्बरको मोटरसाइकललाई मंगलबार बिहान ठक्कर दिँदा मोटरसाइकल चालक काभ्रे बनेपा नगरपालिका–७ बस्ने १९ वर्षीय आयुष न्यौपानेको मृत्यु भएको छ ।

बा.२ ख ६६६९ नम्बरको बसलाई ओभरट्याक गरी जाने क्रममा उक्त गाडीले मोटरसाइकललाई ठक्कर दिँदा गम्भीर घाइते भएका उनको मध्यपुर अस्पताल ठिमीमा उपचारको क्रममा मृत्यु भएको हो ।

प्रहरीले बस र गाडी चालकलाई नियन्त्रणमा लिनुका साथै दुर्घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।