नेपाल प्रहरीका एसपी प्रधानको राजीनामा

काठमाडौं । नेपाल प्रहरीका प्रहरी उपरीक्षक(एसपी) सबिन प्रधानले राजीनामा दिएका छन् । गृह मन्त्रालयले उनको राजीनामा पनि स्वीकृत गरेको छ ।

स्रोतका अनुसार संगठन बाहिर राम्रो अवसर पाएपछि उनले सुरक्षा सेवाबाट राजीनामा दिएका हुन् । प्रहरी संगठनमा उनको बौद्धिक, इमान्दार र मिजासिला प्रहरी अधिकृतको छवी छ । लामो समय प्रहरी सचिवालय बसेर उनले प्रहरी महानिरीक्षकहरुलाई सघाउँदै आएका थिए ।