स्रोत नखुलेको ९ लाख नगद सहित एक जना पक्राउ

मोरङ । विराटनगर महानगरपालिका(१० सोमबारे चोकबाट स्रोत नखुलेको नगदसहित एक जनालाई प्रहरीले नियन्त्रणमा लिएको छ ।

नेपाली नगद ९ लाख २० हजार रूपैयाँ सहित विराटनगर महानगरपालिका(१९ बस्ने ४१ वर्षीय रंजित कुमार साहलाई बुधबार राति प्रहरीले पक्राउ गरेको हो ।

सिआरभि घोगापुलबाट खटिएको प्रहरीले बिआर ३८ एन ४९३० नम्बरको मोटरसाइकल जाँच गर्ने क्रममा मोटरसाइकलमा सवार उनलाई उक्त नगद सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।