काठमाडौं । नेपाल प्रहरीका इन्सपेक्टर सागर तिमल्सिना भारतीय गृहमन्त्री अमित शाहबाट पुरस्कृत भएका छन् । सरदार बल्लभभाई पटेल राष्ट्रिय पुलिस एकेडेमी हैदरावादमा सम्पन्न आइपिएस तालिममा उत्कृष्ट भएपछि उनी पुरस्कृत भएका हुन् ।
पासआउट कार्यक्रममा गृहमन्त्री शाहले इन्सपेक्टर तिमल्सिनालाई पुरस्कृत गरेका हुन् । तालिममा उनले टंक कप जितेको एकेडेमीद्वारा जारी बिज्ञप्तीमा उल्लेख छ । सो कार्यक्रममा नेपाल प्रहरीका महानिरीक्षक धिरजप्रताप सिंह समेत उपस्थित थिए ।
