रुस भ्रमणमा जाँदै चीनका राष्ट्रपति सी

एजेन्सी । चीनका राष्ट्रपति सी चिनफिङ रुस भ्रमणमा जाने भएका छन् । रुसी राष्ट्रपति भ्लादिमिर पुटिनको निमन्त्रणामा यहि मार्च २० देखि २२ सम्म उनी रुसको राजकीय भ्रमणमा निस्किन लागेका हुन् ।

चिनियाँ विदेश मन्त्रालयका प्रवक्ता ह्वा छुन यिङले शुक्रबार राष्ट्रपति सीको रुस भ्रमणबारे जानकारी दिएका हुन् । भ्रमणको विस्तृत विवरण भने सार्वजनिक हुन बाँकी छ ।