काठमाडौं, २५ कार्तिक । सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहालले उत्तेजना फैलाएर सीमा विवाद समस्या सामधान नहुने बताएका छन् ।
पूर्वप्रधानमन्त्री समेत रहेका दाहालले सोमबार प्रतिनिधिसभाअन्तर्गत अन्तर्राष्ट्रिय सम्बन्ध समितिको बैठकलाई सम्बोधन गर्दै उच्चस्तरीय राजनीतिक र कूटनीतिक पहलमार्फत महाकालीको सीमा विवाद समाधान गर्नुपर्नेमा जोड दिए ।
उनले महाकाली नदी सीमा नदी भन्ने प्रष्ट रहेको भन्दै भने, ‘यसमा कुनै कन्फ्युजन छैन । प्राप्त प्रमाणहरु संकलन गरेर भारत सरकारसँग गम्भीर वार्ताबाट समाधान गर्नुपर्छ ।’
कालापानी र सुस्तामा सीमा समस्या छ भनेर दुबै देशले स्वीकार गरेको समेत उनले बताए । अध्यक्ष दाहालले भने, ‘हामी एक इन्च पनि जमिन छोड्न सक्दैनौँ र, अरुको पनि एक इन्च जमिन चाहिएन । तर, उत्तेजना वा भ्रम फैलाएर यसको समस्या सामाधान हुँदनै ।’
