काठमाडौं । गायक सुसन साम्सोहाङ लिम्बू करिब पाँच वर्षपछि नयाँ गीत तथा भिडियो लिएर आएका छन् । गायन सुसन र सविना योङ्हाङको युगल स्वर रहेको पुर्वेली लोकलयको ‘घर कता’ बोलको गीत शुक्रबार रिलिज भएको छ । गायक सुसनले यस गीतको भिडियोलाई आफ्नै अफिसियल युट्युब च्यानल ‘सुसन साम्सोहाङ’मार्फत सार्वजनिक गरेका हुन् ।
शसी गुरुङको संगीत र अर्जुन भट्टराई शब्दरचना रहेको यस गीतको भिडियोलाई बरिष्ठ नृत्य निर्देशक कमल राईले निर्देशन गरेका हुन् । गीतको भिडियोमा अभिनेत्री तथा मोडल विमला खजुम लिम्बू र जान थापा मगरले अभिनय गरेका छन् । बरिष्ठ छायाँकार शिव ढकालले खिचेको यस भिडियोमा विमला र जानमको केमेष्ट्रि गजबले जमेको छ ।
करिब दुई दशकद्ेखि नेपाली गीतसंगीत क्षेत्र निरन्तर सक्रिय रहँदै आएका सुसन यस बीचमा व्यक्तिगत समस्याका कारण झण्डै पाँच वर्ष ‘ब्याक’ भएका थिए । गीत तथा भिडियो सार्वजनिक गरेपछि गायक सुसनले भने, ‘आफ्नै व्यक्तिगत समस्याका कारण केही वर्ष हराउनु परेको थियो । अब यही गीतबाट पुनः पहिलेजस्तै अगाडि बढ्नेछु ।’
सुसनका ‘आएन प्रदेशी’, ‘पन’ ‘उजेली’, ‘सोल्टिेनी’ र ‘माराम’ (लिम्बूभाषा) जस्ता पाँच वटा सोलो एल्बम बजारमा छन् । ‘सोल्टिेनी’ र ‘प्रदेशी आएन’ जस्ता गीतबाट दर्शक तथा श्रोतामाझ लोकप्रिय रहेका गायक सुसन आफ्नो यो पछिल्लो गीतबाट पनि आशावादी छन् ।
‘यो पुर्वेली गीत हो, जसलाई दर्शकले मन पराइपराइदिनु् हुन्छ भन्ने अपेक्षा गरेको छ्ु’ उनले भने, ‘यस गीतले मेरो करिब पाँच वर्षको ग्यापलाई ताजगी दिनेछ भन्ने पनि मलाई लागेको छ ।’
