एजेन्सी । रुसले गरेको ड्रोन आक्रमणमा परि पाँच युक्रेनी घाइते भएका छन् । रसियाले राजधानी कीभमा सोमरबार राति हालसम्मकै ठूलो ‘कामिकाजे ड्रोन’ आक्रमण गरेको थियो । सो आक्रमणबाट पाँच जना घाइते भएको त्यहाँका अधिकारीहरुले बताएका छन् ।
दक्षिणी ओडेसा क्षेत्रमा भएको आक्रमणमा एक जनाको मृत्यु भएको छ । युक्रेनको रेड क्रसले आफ्नो गोदाममा आक्रमण भएको जनाएको छ । यो कीभमा आठ दिनमा भएको चौथो आक्रमण हो ।
रसियाले विजय दिवस मनाउनु २४ घण्टा अगाडी यो आक्रामण भएको हो । बिजय उत्सवको वार्षिक बिदामा रुसले दोस्रो विश्वयुद्धको समयमा नाजी जर्मनीमाथि सोभियत संघको विजयको स्मरण गर्दै आएको छ ।
