मेक्सिकोमा कार रेसिङ चलिरहँदा गोली चल्यो, १० जनाको मृत्यु

काठमाडौं । मेक्सिकोमा कार रेसिङ चलिरहँदा एक समूहले अन्धाधुन्ध गोली चलाएको छ । बाजा क्यालिफोर्नियामा उक्त समूहले गोली चलाउँदा १० जनाको मृत्यु भएको छ ।

कार रेसिङ चलिरहेको बेला ‘ड्युन बग्गी’ रेस कारमा बसिरहेका राइडरहरुमाथि सिल्भर एसयुभी गाडीबाट बाहिर निस्किएका हतियारधारी व्यक्तिहरुले अन्धाधुन्ध गोली चलाएका थिए । सो घटनामा १० जनाको मृत्यु भएको र ९ जना घाइते भएको स्थानीय अधिकारीहरुले बताएका छन् ।

शनिवार स्थानीय समय अनुसार दिउँसो २ः१५ बजे सो गोलीकाण्ड भएको थियो । सो घटनामा मृत्यु भएका व्यक्तिहरुको विवरण सार्वजनिक गरिएको छैन । प्रहरीले गोलीकाण्डबारे अनुसन्धान गरिरहेको जनाएको छ ।