एजेन्सी । भारतमा ‘लिभ इन टुगेदर’मा बसेका एक पुरुषले प्रेमिकाको हत्या गरेका छन् ।
मुम्बईको मीरा रोड इलाकामा ‘लिभ इन रिलेसन’मा बसेका ५६ वर्षीय मनोज शाहनीले ३२ वर्षीया प्रेमिका सरस्वती वैद्यको आराले काटेर हत्या गरेका हुन् ।
उनीहरु विगत ३ वर्षदेखि मीरा रोड क्षेत्रस्थित आकाशगंगा भवनको सातौं तलामा फ्ल्याट भाडामा लिएर बस्दै आएका थिए । फ्ल्याटबाट दुर्गन्ध आएपछि भवनका बासिन्दाले बुधबार प्रहरीलाई खबर गरेपछि प्रहरी अनुसन्धानका लागि यहाँ पुगेको थियो ।
शवका केही भाग कुकरमा उमालेर कुकुरलाई खुवाएको प्रहरीको आशंका छ । आरोपितले विगत दुई–तीन दिनदेखि कुकुरलाई खुवाउँदै गरेको स्थानीयहरुले समेत बताएका छन् ।
घटनास्थलमा पुग्दा फ्ल्याटमा महिलाको शवका टुक्रा भेटिएको प्रहरीले जनाएको छ । प्रहरीले आरोपीलाई नियन्त्रणमा लिएको छ ।
