काठमाडौं । सबैको लघुवित्त वित्तीय संस्था लिमिटेडको तेश्रो बार्षिक साधारणसभा मंसिर २१ गते शनिवार डुम्रे, तनहुँमा सम्पन्न भएको छ । उक्त सभाले आब २०७५।७६ को मुनाफाबाट हाल कायम चुक्ता पुँजी रु.१६ करोड ५० लाखको १३ प्रतिशत अर्थात् २ करोड १४ लाख ५० हजार बराबरको बोनश शेयर जारी गरेपश्चात् संस्थाको चुक्ता पुँजी १८ करोड ६४ लाख ५० हजार पुगेको छ ।
सभाले बोनश शेयर जारी पश्चात्को पुँजीको १०० प्रतिशत अर्थात् १ः१ को अनुपातमा हकप्रद शेयर जारी गर्ने समेत निर्णय गरेको छ । साथै उक्त सभामा सर्वसाधारण समुहको तर्फबाट २ जना सञ्चालकहरु श्यामप्रसाद श्रेष्ठ र गोपाल जोशी निर्विरोध निर्वाचित गरेको छ । सभाले नेपाल राष्ट्र बैंकबाट इजाजतपत्रप्राप्त अन्य ‘घ’ वर्गका कुनै एक वा एकभन्दा बढी वित्तीय संस्थाहरु एकापसमा गाभ्न गाभिन वा प्राप्ति गर्नेसम्बन्धी विशेष प्रस्तावसमेत पारित गरेको छ । यस कम्पनीको शेयर रजिष्ट्रार सम्बन्धि सम्पूर्ण सेवाहरु एनआईबिएल एस क्यापिटल लिले प्रदान गर्दै आइरहेको समेत कम्पनीले जनाएको छ ।
२०७४ आषाढ ३० गतेबाट तनहुँ जिल्लाको डुम्रेबाट लघुवित्त कारोवार शुरु गरेको यस संस्थाले २९ जिल्लाहरुमा ५१ शखा कार्यालयहरुमार्फत् ३५ हजार ग्राहक सदस्यहरुलाई प्रत्यक्ष सेवा पु¥याएको छ । त्यस्तै गरी संस्थाले १ अर्ब ७९ करोड कर्जा लगानी गरेको छ भने आफ्ना ग्राहक सदस्यहरुबाट ५२ करोड रुपैयाँभन्दा बढी बचत संकलन पनि गरेको विज्ञप्तीमा उल्लेख छ ।
