काठमाडौं । काठमाडौं उपत्यकाका श्रृङखलाबद्ध चोरी गर्ने एक जोडी प्रहरी हिरासतमा पुगेको छ । नक्सालका सुवोध श्रेष्ठ र उनकी प्रेमिका लैनचौरकी रोशनी महर्जनलाई प्रहरीले पक्राउ गरेको हो ।
ललितपुर प्रहरीका अनुसार २८ जेठमा उनीहरूले ओम प्रकाश प्रधानको ग्लोबल लिंक टेक्नोलोसीबाट चोरी गरेका थिए । ल्यापटप र नगद चोरी गरेका थिए । पक्राउ परेकामध्ये रोशनी सोल्टी सिटी अपार्टमेन्टको आठौं तलामा रहेको ८०३ नम्बरको अपार्टमेन्टमा बस्दै आएकी थिइन् । उनको डेराबाट चोरीका दर्जनौं सामान बरामद भएको र उनीहरुले गरेका चोरीका थप घटनाको अनुसन्धान जारी रहेको प्रहरी अधिकारी बताउँछन् । उनीहरु अष्ट्रेलिया जाने तयारीमा रहेको समेत अनुसन्धानमा खुलेको छ ।
