काठमाडौं । ५० लाख रुपैयाँ दाइजो माग्दै बेहुली पक्षलाई धम्काएको आरोपमा काठमाडौंको नक्सालबाट प्रहरीले मंगलबार बेहुलालाई पक्राउ गरेको छ । सुनसरी दुहवी नगरपालिका वडा नम्बर ६ स्थायी घर भई काठमाडैंको ताहाचल बस्ने ३२ वर्षिय अनुराग रौनियारलाई काठमाडौं प्रहरीले नक्सालस्थित लिसरा रिसेप्सेन पार्टी प्यालेसबाट पक्राउ गरेको हो ।
बिवाह हुँदै गर्दा बेहुला पक्षले ५० लाख दाहिजो नदिए विवाह रद्द गर्ने धम्की दिएका थिए । साथै जन्तीलाई राम्रो स्वागत नभएको भनेर समेत गाली गरेका थिए । साथै बेहुलीलाई समेत हातपात र गाली बेइज्जीत भएको सूचनाका आधारमा प्रहरी पुगेर बेहुलालाई पक्राउ गरिएको प्रहरीले जनाएको छ ।
