बागलुङ । बागलुङमा एक प्रहरी होटलमा मृत फेला परेका छन् ।
इलाका प्रहरी कार्यालय भीमगिठे, बाग्लुङका इन्चार्ज वरिष्ठ नायव निरीक्षक (वरिष्ठ सई) उज्वल पौडेल मृत्त फेला परेका हुन् ।
सोमबार राति बडिगाड गाँउपालिका– ६ खालाबजारको आशा होटल एण्ड खाजा घरको कोठामा उनी मृत फेला परेको जिल्ला प्रहरी कार्यालय, बाग्लुङका सूचना अधिकारी मदन केसीले बताए ।
उनका अनुसार होटलमा मृत भेटिएको भन्दै सञ्चालकले राति १२ बजे प्रहरीलाई जानकारी गराएका थिए । राति २ बजे नै प्रहरी चौकी बुर्तिबाङको टोली घटनास्थल पुगेको थियो ।
