काठमाडौं । अभिनेता जीवन गिरी र मोडल सकि इटानीले जीवनभर वरपिपलझै सँगै बाँच्ने बाचा गरेका छन् । उनीहरुले रियलमा नभएर रिल जीवन अर्थात ‘जीवन साथी’ बोलको गीतको भिडियो अभिनयमा उक्त बाचा गरेका हुन् ।
रोमान्टिक शैलीको उक्त गीतमा जीवन र सकि रोमान्टिक प्रेमजोडीका रुपमा प्रस्तुत भएका छन्, जसमा दुवैको केमेष्ट्रि सुहाउँदो छ । हिमाल सागर र अनु चौधरीको स्वर रहेको यस गीतमा शब्द तथा संगीत टीका बम्जनको छ, भने एरेन्ज सहस शाक्यले गरेका हुन् ।
नवराज उप्रेतीको छायाँकन, मनोज कार्कीको सम्पादन रहेको गीतको भिडियो मौसम हिमालले निर्देशन गरेका हुन् । अभिनेता जीवनले ‘एउटा साथी’लगायत केही फिल्ममा अभिनय गरेका छन् । फिल्मको आलवा जीवन म्युजिक भिडियोमा बाक्लै देखिने गरेका छन् ।
