यसपालीको तीजलाई प्रकाश र सिर्जुकाे ‘नाठो पोई’ (भिडियो)

काठमाडौं । नारीहरुको पर्व तीज नजिकिँदै गर्दा कलाकार तीजका गीत गाउन र भिडियो बनाउँन व्यस्त छन् । प्रत्येक वर्षको तीजमा झैँ यसपाली पनि कलाकारले आआफ्नै शैलीमा तीज गीत बजारमा पस्किरहेका छन् ।

यसैक्रममा गायक प्रकाश कटुवालको नयाँ तीज गीत ‘नाठो पोई’ सार्वजनिक भएको छ । स्मृति तिमिल्सिना ‘गुरूआमा’ले निर्देशन गरेको उक्त गीतको भिडियोमा प्रकाश कटुवाल, रामचन्द्र अधिकारी, निया गौतम, सोभा बिक र साजन बास्कोटाले अभिनय गरेका छन् । प्रकास कटुवालकै शब्द र संगीत रहेको गीतमा प्रकाश कटुवाल र सिर्जु अधिकारीको स्वर रहेको छ ।