काठमाडौं, १७ पुस । भारत र पाकिस्तानी सैनिकबीच दोहोरो भीडन्तमा भारतीय सेनामा कार्यरत एक नेपालीको मृत्यु भएको छ । मृत्यु हुनेका गोरखाका अर्जुन थापा मगर रहेको जनाइएको छ ।
बुधबार जम्मु कश्मिरमा भारत र पाकिस्तानी सेनाबीच गोली हानाहान भएको थियो । सोहीक्रममा थापा मगरको मृत्यु भएको भारतीय मिडियाले जनाएका छन् । ।
उक्त समाचारअनुसार भारतीय गोर्खा रेजिमेन्टमा कार्यरत थापा मगर पाकिस्तानी सेनाको गोली लागेर गम्भीर घाइते भएका थापा मगरलाई उपचारका लागि अस्पताल लैजाँदै गर्दा मृत्यु भएको भारतीय सेनाका प्रवक्ताले बताएका छन् । उक्त घटनामा भारतीय नागरिक सन्दीप रघुनाथको पनि मृत्यु भएको जनाइएको छ ।
