ताइपेई, १७ पुस (एजेन्सी) । ताइवानमा सैनिक हेलिकप्टर दुर्घटना हुँदा प्रधान सेनापतिसहित ८ जनाको मृत्यु भएको छ । ताइवानी रक्षा मन्त्रालयका अनुसार वायु सेनाका प्रमुखसमेत रहेका प्रधानसेनापति सेन यी मिङसहित १३ जना चढेको ‘ब्ल्याक हक’ हेलिकप्टर बिहीबार बिहान उत्तरी ताइवानको पहाडमा दुर्घटना भएको थियो । प्रधानसेनापति मिङ उत्तरपूर्वी क्षेत्रमा रहेका सैनिकहरुलाई भेट्न हेलिकप्टरमा जाँदै गरेको बताइएको छ ।
हेलिकप्टरमा सवार पाचँलाई जिवितै उद्धार गरिएको छ भने प्रधान सेनापति मिङ र अन्य सात जनाको मृत्यु भएको साउथ चाइना मर्निङ पोष्टले जनाएको छ । मृतकमध्ये दुई मेजर जेनरल, रक्षा मन्त्रालयका उपप्रमुख, लेफ्टिनेन्ट कर्नेल, एक क्याप्टेन, दुई सिनियर मास्टर सर्जेन्ट र एक मेजर रहेका छन् ।
