![](https://www.drishtinews.com/wp-content/uploads/2023/06/Nepal-Army_Headquatar-11.gif)
काठमाडौैं । नेपाली सेनाका गुल्मपति विमल पण्डित डोल्पा सदरमुकाम दुनैबाट बेपत्ता भएका छन् । दुनैस्थित नन्द बक्स गुल्मका इन्चार्ज रहेको गुल्मपति पण्डित आइतबारदेखि बेपत्ता भएका हुन् ।
प्रहरीका अनुसार गुल्मपति पण्डित आइतबार अपराह्न त्रिपुरातिर जान्छु भन्दै ब्यारेकबाट बाहिरिएका थिए । पीएसओ समेत नलिई एक्लै हिँडेका उनी चौबीस घण्टा बितिसक्दा समेत सम्पर्कका आएका छैनन् ।
बेपत्ता गुल्मपति पण्डितको खोजीमा जिल्ला प्रहरी कार्यालयबाट डीएसपीको टोली परिचालन गरिएको छ । तर, अहिलेसम्म उनी कहाँ छन् भन्ने पत्ता लागेको छैन । र, यस विषयमा नेपाली सेनाले केही प्रतिक्रिया समेत दिएका छैन ।