काठमाडौं । अष्ट्रेलिया पठाइदिन्छु भन्दै रकम ठगी गरेको अभियोगमा काठमाडौंको सामाखुशीबाट एक जनालाई प्रहरीले पक्राउ गरेको छ ।
भक्तपुर मध्यपुर ठिमि नगरपालिका(४ घर भई काठमाडौं सामाखुसी बस्ने ५० वर्षीय रत्न केशरी श्रेष्ठलाई शुक्रबार काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले पक्राउ गरेको हो ।
श्रेष्ठले १ जनालाई वैदेशिक रोजगारीको लागि अष्ट्रेलिया पठाई होटलमा मासिक ३ लाख रुपैयाँ भन्दा बढी तलबमा काम लगाइदिन्छु भन्दै प्रलोभनमा पारी पीडितबाट पटक पटक गरी जम्मा ९ लाख रुपैयाँ लिई सम्पर्क विहीन भई ठगी गरेको भन्दै वैदेशिक रोजगार विभागमा उजुरी दिएका थिए । रोजगार विभागको उजुरीका आधारमा श्रेष्ठलाई पक्राउ गरेको हो ।
उनलाई थप अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाईएको छ ।
