काठमाडौं । नेपालका लागि हुन्डाई गाडीको आधिकारिक विक्रेता लक्ष्मी इन्टरकन्टिनेन्टलले भृकुटीमण्डपमा जारी नाडा ‘अटो शो २०२३’ मा एसएक्स भेरियन्टको हुन्डाई एक्सटर–एसयूभी सार्वजनिक गरेको छ । अब चाँडै नै अरू भेरियन्टसहित बिक्री खुला गरिने कम्पनीले जनाएको छ ।
![](https://www.drishtinews.com/wp-content/uploads/2023/09/waefg-1694683301.jpg)
हुन्डाई एक्सटर पाँच सिटर कम्प्याक्ट एसयूभी हो । कम्पनीको मोडेल लाइनअपमा यो पहिलो एसयूभी रहनेछ । ई, एस, एसएक्स, एसएक्स–ओ गरी चार भेरियन्टमा हुन्डाई एक्सटर ल्याइने कम्पनीले जानकारी दिएको छ ।
हुन्डाई एक्सटरमा आकर्षक ड्यासबोर्ड, उत्कृष्ट तरिकाले दिइएको एसी भेन्ट, इन्फोटेन्मेन्ट स्क्रिन, डोर ट्रिम लेआउट, क्लाइमेट कन्ट्रोल नब, थ्री स्पोक स्टेरिङ ह्वीललगायत क्लस्टर पाउन सकिन्छ ।
हुन्डाई एक्सटरमा क्रुज कन्ट्रोल, ६ एयरब्याग, इलेक्ट्रिक शनरुफ, टायर प्रेसर मोनिटरिङ सिस्टम, रियर एसी भेन्ट, पुस स्टार्ट बटन, किलेस इन्ट्रीजस्ता फिचरहरू दिएर फुल्ली लोडेड एसयूभी बनाइएको छ ।
बक्सी डिजाइनमा रहेको एक्सटरमा १.२ लिटर नेचेरल्ली एस्पिरेटेड इन्जिन, अलोय ह्वील र फ्युचरिस्टिक डिजाइन दिइएको छ ।
१८५ एमएम ग्राउन्ड क्लेयरेन्स र १९.२ किलोमिटर प्रतिलिटर माइलेज पाउन सकिने पनि बताइएको छ । कम्पनीले यसलाई ६ कलर अप्सनमा ल्याउने जानकारी दिएको छ ।