समय

नरोकिने समय
टक्क रोकिएको घडी
त्यो समय हेरेर
विकाशको निकास
खोज्नेहरूको हताश
त्योभन्दा हताश
तत्काल मेवा खान नपाएकाहरूको
जो सदन अवरुद्ध गरेर आक्रोश पोखिरहेका छन्
त्योभन्दा हताश तिनीहरूको
जो शक्तिरुपी भोग गर्न
प्रत्येक दिनको लागि बाँचिरहेका छन्
नाङ्गो बादशाह बनेर
मुलुक लुटिरहेका छन्, लुटाइरहेका छन–
यो अन्धेर कहिलेसम्म चल्ने ?
सायद त्यति बेलासम्म
जबसम्म यो धन्दा चल्न सक्छ ।