काठमाडौं । लक्ष्मी सनराइज बैंकले आफ्नो स्वामित्वमा रहेको गैर बैंकिङ सम्पत्ति बिक्री गर्ने भएको छ । बैंकले मोरङ्ग र झापा जिल्लाका विभिन्न स्थानमा साविक सनराइज बैंकको स्वामित्वमा रहेका गैर बैंकिङ सम्पत्ति घर तथा जग्गा बिक्री गर्ने भएको हो ।
मोरङ्गको मधुमल्ला ९ स्थित कित्ता नम्बर २१६६ र ५५१ को क्रमशः ०-३-४-० र ०-१-०-० क्षेत्रफल भएको जग्गा, वडा नम्बर ५ स्थित कित्ता नम्बर ९१५ र ६२२ को क्रमशः ०-१-३-० र ०-१-०-० क्षेत्रफल, वडा नम्बर ८ स्थित कित्ता नम्बर ३३१ को ०-१०-०-० र झापाको शिवगंज ७ स्थित कित्ता नम्बर १९६८९ को ०-१०-०-० क्षेत्रफल भएको जग्गा बिक्री गर्ने बैंकले जनाएको छ ।
बैंकले बिक्री गर्न लागेको सम्पत्ति जे जस्तो अवस्थामा छ सोही अवस्थामा बिक्री गरिने जनाएको छ । सो सम्पत्ति खरिद गर्न इच्छुक व्यक्ति, फर्म, कम्पनी र संस्थाले लिन चाहेको रकम उल्लेख गरी ७ दिनभित्र शीलबन्दी बोलपत्र पेश गर्न बैंकले आग्रह गरेको छ ।
