काठमाडौं । प्रधानसेनापति प्रभुराम शर्मा आज आइतबार बेलायत जाँदै छन् । उनी बेलायती सेनाका जनरल सर प्याट्रिक स्याण्डर्सको औपचारिक निमन्त्रणामा बेलायत जान लागेका हुन् ।
६ दिने भ्रमणका अवसरमा प्रधानसेनापति शर्माले त्यहाँका आफ्ना समकक्षीसँग भेटवार्ता गर्नेछन् । त्यसपछि उनले त्यहाँको रोयल कलेज अफ डिफेन्स स्टडिज् र रोयल मिलिटरी एकेडेमी स्याण्डहर्स्टको भ्रमण गन कार्यक्रम रहेको छ । ती दुवै शिक्षण संस्थामा नेपाली सेनाका अधिकृत लामो समयदेखि सहभागी हुँदै आएका छन् ।
प्रधानसेनापति शर्माले बेलायती गोर्खा सैनिकको मुख्यालयको पनि भ्रमण गर्नेछन् भने क्याम्ब्रीयन पेट्रोलमा सहभागी टोलीसँग समेत भेटघाट गर्ने कार्यक्रम रहेको सैनिक मुख्यालयले जनाएको छ ।
