एजेन्सी । गाजास्थित युएन रिलिफ एण्ड वर्क्स एजेन्सीको एक विद्यालयमा इजरायलले आक्रमण गर्दा कम्तिमा १२ प्यालेस्टिनीको मृत्यु भएको छ ।
इजरायली तोपखानाले विस्थापित मानिस बस्ने विद्यालयमा आक्रमण गरेर महिला र बालबालिका सहित १२ प्यालेस्टिनीलाई मारेको हमासद्वारा सञ्चालित स्वास्थ्य मन्त्रालयले जनाएको छ ।
आक्रमणमा कैयौँ घाइते भएका छन् । विद्यालयमा संयुक्त राष्ट्रसंघको झण्डा फहराइएको भए पनि इजरायली सेनाले गाजाका विभिन्न यस्ता विद्यालयमा आक्रमण गरेको सञ्चार माध्यमले जनाएका छन् ।
हालको हमास–इजरायल द्वन्द्व शुरु भएदेखि ७० भन्दा बढी यस्ता संस्था र विद्यालय इजरायली आक्रमणमा परेका छन् ।
