काठमाडौं, १५ फागुन ।
नेकपा (माले) का महासचिव सीपी मैनाली सवारी दुर्घटनामा गम्भीर घाइते भएका छन् ।
महोत्तरीको बर्दिबासस्थित रातुको पुलमा उनी चढेको बा ४ च २१२० नम्बरको कार र विपरीत दिशाबाट आइरहेको ना ४ ख ७६६८ नम्बरको पिकअफ भ्यान एक आपसमा ठोक्किएको हो ।
उनको बर्दिबासस्थित जनसेवा अस्पतालमा उपचार भइरहेको इलाका प्रहरी कार्यालय बर्दिबासका प्रमुख डीएसपी राजकुमार चापागाईले जानकारी दिए । गम्भीर घाइते भएपनि उनको अवस्था खतरामुक्त रहेको प्रहरीले जनाएको छ । दुर्घटनामा अन्य चार जना पनि घाइते भएका छन् ।
