काठमाडौं । सामसङले नेपालमा सर्वाधिक बिक्री हुने आफ्ना विभिन्न पाँच ओटा मोडेलका स्मार्टफोनको मूल्य घटाएको छ । कम्पनीले नेपालमा सर्वाधिक बिक्री हुने पाँच मोडेलका फोनमा दुई हजार रुपैयाँको छुट दिने भएको हो ।
कम्पनीका अनुसार ग्यालेक्सी ए३४ फाइभजी, ग्यालेक्सी ए०४एस, ग्यालेक्सी ए०४, र ग्यालेक्सी एम१४ फाइभजीको मूल्य घटाइएको हो ।
४५ हजार ९९९ रुपैयाँ पर्ने ग्यालेक्सी ए३४ फाइभजी (८ जीबी/१२८ जीबी) को नयाँ मूल्य ४३ हजार ९९९ रुपैयाँ कायम गरिएको छ । त्यस्तै २१ हजार ९९९ रुपैयाँ पर्ने ग्यालेक्सी ए ०४एस (४ जीबी/१२८ जीबी) १९ हजार ९९९ रुपैयाँमा र १६ हजार ९९९ रुपैयाँको ग्यालेक्सी ए०४ (४ जीबी/६४ जीबी) लाई १४ हजार ९९९ रुपैयाँ मात्रै पर्नेछ ।
यसैगरी २४ हजार ९९९ रुपैयाँ पर्ने ग्यालेक्सी एम१४ फाइभजी (६ जीबी/१२८ जीबी) को नयाँ मूल्य २२ हजार ९९९ रुपैयाँ र १७ हजार ९९९ पर्ने ग्यालेक्सी एम०४ (४ जीबी/१२८ जीबी) लाई १५ हजार ९९९ रुपैयाँमै खरिद गर्न सकिनेछ ।
आकर्षक फिचर र पावरफुल पर्फर्मेन्स रहेको ग्यालेक्सी ए ३४ मा कम्पनीले पाँच वर्षको सेक्युरिटी अपडेट र चार ओटा ओएस अपग्रेड दिएको छ । त्यस्तै ग्यालेक्सी ए०४, ग्यालेक्सी ए ०४एस, एम१४ र ए०४ मा पनि चार वर्षको सेक्युरिटी अपडेटका साथै दुई वर्षको ओएस अपग्रेडको सुविधा कम्पनीले उपलब्ध गराउँदै आएको छ ।
