काठमाडौं । नेपाल–चीन संयुक्त लगानीमा सन् २०१४ मा स्थापित हिमालय एअरलाइन्स्ले गत पुस १२ गतेदेखि काठमाडौँ–ल्हासा–काठमाडौँ उडान सेवा सुरु गरेको छ । यो सेवा बिस्तारलाई एअरलाइन्स्ले नेपाल र चीनबीचको कनेक्टिभिटी बढाउने र पर्यटन प्रवद्र्घन गर्ने प्रतिबद्धताका रुपमा लिएको छ ।
चीनको तिब्बत स्वायत्त क्षेत्रको राजधानी सहर, ल्हासा उच्च हिमालय क्षेत्रमा रहेको सांस्कृतिक र आध्यात्मिक केन्द्र हो । मनमोहक परिदृश्य र प्राचीन गुम्बाहरूका लागि परिचित ल्हासाले तिब्बती बौद्ध धर्म र तिब्बती संस्कृतिको केन्द्रको रूपमा गहिरो महत्व राख्दछ । यस सहरको समृद्ध इतिहास र परम्पराहरूको अद्वितीय मिश्रणले यसलाई तिब्बतको आध्यात्मिक सम्पदा र प्राकृतिक सौन्दर्य हेर्न लाखौं पर्यटक आउँछन् ।
सन् २०१४ देखि लाखौँ चिनियाँ पर्यटक नेपाल भित्र्याउन हिमालय एयरलाइन्सले महत्वपूर्ण योगदान गर्दै छ । हिमालय एयरलाइन्सको काठमाडौं–ल्हासा–काठमाडौं उडानले विदेशी पर्यटकहरूलाई नेपालको सांस्कृतिक सहर काठमाडौं र ऐतिहासिक रूपले समृद्ध एवम् रमणीय सहर ल्हासाका बीचमा सहज यात्राको विकल्प प्रदान गर्नेछ ।
पहिलो आउटबाउन्ड उडान, एच–९ ७७४, त्रिभुवन अन्तर्राष्ट्रिय विमानस्थलबाट स्थानीय समयअनुसार बिहान ८ः४० बजे प्रस्थान गरेको थियो र ल्हासा गोङ्गार विमानस्थलमा स्थानीय समयअनुसार बिहानकोे १२ः०० बजे अवतरण गरेको थियो । यस उडानको अवधि १ घण्टा २० मिनेटको रहनेछ । पहिलो उडानमा कूल यात्रु संख्या १३६ रहेको थियो ।
जनवरी १, २०२४ देखि एअरलाइन्स्ले हरेक सोमबार यी दुई सहरहरूका बीचमा उडान सेवा सञ्चालन गर्ने छ । यस उडान सेवासँगै नेपाल र चीनबीच हिमालय एअरलाइन्स्को यो पाँचौँ सिधा उडान सेवा हुनेछ । एअरलाइन्स्ले यस अघि नै बेइजिङ, चोङकिङ, छिन्ताओ र सांघाईमा नियमित रूपमा उडान सेवा सञ्चालन गर्दै आएको हिमालय एयरलाइन्सले चिनियाँ पर्यटक भित्र्याउनुका साथै नेपालको पर्यटन प्रवद्र्धनमा ठूलो योगदान पु¥याएको छ ।
ल्हासा उडानको पहिलो उद्घाटन कार्यक्रममा संस्कृति, पर्यटन तथा नागरिक उड्डयनमन्त्री सुदान किराती प्रमुख अतिथिका रुपमा उपस्थित हुनुभएको थियो । यसका साथै चिनियाँ दूतावासका उपप्रमुख वाङ जिन र अन्य विशिष्ट व्यक्तिहरूलाई हिमालय एअरलाइन्स्का अध्यक्ष झोउ एनयोङले स्वागत गर्नुभएको थियो ।
सोअवसरमा आफ्नो मन्तब्य राख्दै मन्त्री किराँतीले भन्नुभयो, ‘हिमालय एअरलाइन्स्ले काठमाडौं– ल्हासा–काठमाडौं उडान सेवाको सुरुवात गरेकोमा अत्यन्तै हर्षित भएको छु , यस नयाँ स्थापित मार्गले नेपाल र चीन बीचको यातायात नेटवर्कमा महत्त्वपूर्ण अग्रसर प्रस्तुत गर्दछ ।’
राजदूत वाङ जिनले भन्नुभयो, ‘यो प्रथम उडान नेपाल र चीन बीचको द्विपक्षीय सम्बन्धहरूलाई ठूलो शक्ति दिने अवसरमा छ, जो सांस्कृतिक र संयोजन संबन्धहरूलाई थप नजिक गर्दै जाने छ ।’ ‘नयाँ सुरु गरिएको रुटले नेपाल र चीनलाई जोड्ने यातायात सञ्जालमा महत्वपूर्ण प्रगतिको रूपमा प्रतिनिधित्व गरेको छ । सारमा, यस रुटले अरनिको राजमार्गले जोडेको विद्यमान नेपाल–चीन कनेक्टिभिटीलाई अझ व्यापक रूपमा बिस्तार गर्दछ । यातायात पूर्वाधारमा भएको यो बिस्तारले पहुँचलाई बढावा दिने मात्र होइन, यसले नेपाल र चीनबीचको व्यापार, पर्यटन र समग्र द्विपक्षीय सम्बन्धका लागि फराकिलो र थप विविध नेटवर्कमा पनि महत्वपूर्ण भूमिका निर्वाह गरेको छ ।’
हिमालय एअरलाइन्स्का प्रवक्ता समेत रहनुभएका भाइस प्रेसिडेन्ट विजय श्रेष्ठले नयाँ रुटप्रति उत्साह व्यक्त गर्दै भन्नुभयो– हिमालयको मुख्य उद्देश्य चीनका १० वटा विभिन्न पर्यटकीय गन्तव्यमा उडान सञ्चालन गरी १० लाख पर्यटकलाई नेपालमा स्वागत गर्नु हो । हिमालयले नेपालबाट चीनका लागि नयाँ–नयाँ रुटहरू पहिल्याउँदै उडान सेवा प्रदान गर्दै आएको छ ।
हिमालय एअरलाइन्स्का प्रवक्ता समेत रहनुभएका भाइस प्रेसिडेन्ट विजय श्रेष्ठले नयाँ रुटप्रति उत्साह व्यक्त गर्दै भन्नुभयो, “हिमालयको मुख्य उद्देश्य चीनका १० वटा विभिन्न पर्यटकीय गन्तव्यमा उडान सञ्चालन गरी १० लाख पर्यटकलाई नेपालमा स्वागत गर्नु हो । हिमालयले नेपालबाट चीनका लागि नयाँ–नयाँ रुटहरू पहिल्याउँदै उडान सेवा प्रदान गर्दै आएको छ । यस अर्थमा नयाँ बजार बिस्तार तथा स्थापित गर्न हाम्रो योगदान उल्लेखनीय रहेको छ । यस नयाँ रुटको सुरुवातसँगै हिमालयले उच्चतम सुरक्षा मापदण्ड कायम गर्दै अविस्मरणीय यात्रा अनुभवहरू प्रदान गर्ने लक्ष्य लिएको छ । हाम्रो यस उडानमा यात्रुहरूलाई स्वागत गर्न सदैव तत्पर छौँ र यो उडान हाम्रा समस्त यात्रुहरूलाई नेपाल र चीन दुवै देशका विविध सौन्दर्य तथा अवसरको अन्वेषणमा सहायकसिद्घ हुने अपेक्षा राख्दछौँ ।”
२०२३ मा झण्डै ६१ हजार चिनियाँ पर्यटक भित्रिए
कोरोना संक्रमण सुरु भएसँग चीनले आफ्ना नागरिकलाई बाहिरी मुलुकको घुमघाममा लगाएको रोक गत मार्चदेखि मात्रै खुलायो । मार्च १५ देखि नै लागू हुने गरी चिनियाँ संस्कृति तथा पर्यटन मन्त्रालयले आफ्ना नागरिकलाई बाहिरी मुलुक घुम्न पाउने गरी दोस्रो पटक सूची प्रकाशित गर्दै नेपाललाई पनि समेट्यो ।
नेपाल पर्यटन बोर्डका अनुसार सन् २०२३ मा ६० हजार ८ सय ६२ जना चिनियाँ पर्यटक नेपाल भित्रिएका छन् । सन् २०२४ मा चिनियाँ पाहुना निकै बढ्ने अपेक्षा व्यवसायीहरूको छ । सन् २०१९ मा सबैभन्दा बढी विदेशी पाहुना नेपाल भित्रिँदा चिनियाँ पर्यटकको संख्या १ लाख ६९ हजार ५ सय ४३ थियो । कोरोना संक्रमणले गर्दा सन् २०२० मा १९ हजार २ सय ५८ भएको थियो । ०२१ म ६ हजार १ सय ९८ र ०२२ मा ९ हजार ५ सय ९९ चिनियाँ पर्यटक नेपाल भित्रिएका थिए ।
