कास्की । त्रिभुवन आर्मी आहारारा पोखरा गोल्डकपको क्वटरफाइनलमा पुगेको छ ।
पोखरा रङ्गशालामा आज भएको खेलमा राइजिङ स्टार एफसीलाई १-० ले हराउँदै आर्मी क्वाटरफाइनलमा पुगेको हो । आर्मीका लागि कप्तान भरत खवासले गरेको गोल नै निर्णयक गोल बन्यो ।
अब आर्मीले क्वाटरफाइनलमा माघ १४ गते साविक विजेता सङ्कटा क्लबसँग खेल्नेछ । राइजिङ स्टार पहिलो पटक पोखरा गोल्ड कपमा सहभागी भएको हो ।
आर्मी ४ पटक प्रतियोगिताको फाइनल पुगे पनि उपाधि जित्न सकेको छैन । प्रतियोगितामा भोलि मच्छिन्द्र क्लब र जावलाखेल क्लबबीच खेल हुनेछ ।
यही २० गतेसम्म चल्ने प्रतियोगितामा १२ वटा टोलीको सहभागिता छ । प्रतियोगिताको विजेताले १२ लाख १ हजार र उपविजेताले ६ लाख १ हजार रुपैयाँ पुरस्कार पाउनेछन्
