काठमाडौं । भाटभटेनी सुपर स्टोरले झापाको दमकमा २७ औँ स्टोर स्थापना गरेको छ । भाटभटेनीले आजदेखि दमक–९ स्थित चिया दोकान चोकमा १५० करोड लगानीमा नयाँ स्टोर सञ्चालनमा ल्याएको हो । यो स्टोरमा स्थानीय तीन सय जनालाई रोजगारी दिइएको छ ।
पूर्वमा बिर्तामोडसहित धरान, विराटनगर तथा इटहरीमा यसअघि नै भाटभटेनी स्टोर सञ्चालनमा छन् । स्टोरमा ग्रोसरी, किचनवेयर, रेडिमेड गार्मेन्ट, फुटवेयर, इलेक्ट्रोनिक्स, ब्रान्डेड गार्मेन्ट, फूडकोर्ट, सिनेमा हल तथा बालबालिकाको मनोरञ्जनस्थल सुविधा रहेको भाटभटेनीले जनाएको छ ।
