कोभिड-१९ अपडेट : इटालीमा एकैदिन ९१९ को मृत्यु, विश्वभर मर्नेको संख्या २७ हजार ४३८ पुग्यो

जेनेभा, १५ चैत (एजेन्सी) । कोभिड–१९ नाम दिइएको प्राणघातक कोरोना संक्रमणबाट इटालीमा एकैदिन ९१९ जना नागरिकको ज्यान गएको बताइएको छ । केही दिनयता यहाँ ज्यान जाने नागरिकको संख्या बढिरहेको देखिएको छ ।
यो सँगै इटालीमा ज्यान जानेको संख्या ९ हजार १३४ पुगेको छ । शनिबार बिहानसम्मको यो अवस्थालाई निकै भयावह मानिएको छ । इटाली विश्वमा नै यो संक्रमणबाट सबैभन्दा धेरै नागरिकले ज्यान गुमाउने देश हो । यहाँ ज्यान जानेमा अधिकांश लोम्बार्डी क्षेत्रका नागरिक छन् । सो ठाउँमा इटालीमा सुरुदेखि नै संक्रमण हुनेको संख्या धेरै नै रही आएको देखिएको छ ।
त्यसैगरी इटालीमा संक्रमण हुनेहरु ८६ हजार ४९८ पुगेका छन् । त्यहाँ पनि प्रतिदिन निकै नै ठूलो संख्यामा नागरिकको ज्यान गइरहेको अवस्था देखिएको छ ।
त्यसैगरी हिजोमात्र स्पेनमा ७७७ जनाको ज्यान गएको छ । यो सँगै स्पेनमा ज्यान जाने नागरिकको संख्या ५ हजार १३८ जना पुगेको छ । त्यसैगरी इटालीमा संक्रमण हुनेहरु ६५ हजार ४९८ पुगेका छन् । यहाँ ९ हजार ३९७ उपचारपछि घर फर्किएका छन् । यसरी स्पेन कोरोना संक्रमणबाट बढी ज्यान जाने देशमा इटालीपछिको दोस्रो हो ।
यता अमेरिका कोरोना संक्रमणको सबैभन्दा धेरै नागरिक संक्रमित हुने देशमा परेको छ । यहाँ अहिलेसम्म १ लाखभन्दा बढी नागरिक सङ्क्रमित भएका छन् ।
यस भाइरसबाट मृत्यु हुने संयुक्त राज्य अमेरिकामा मात्र १ हजार ७०४ जनाको ज्यान गइसकेको छ । त्यहाँको संक्रमण व्यक्तिको संख्या १ लाख ४ हजार २५६ जना पुगिसकेको छ । यो संख्या विशेषगरी पछिल्लो हप्तामा मात्र देखिएको हो । यसरी यहाँ निकै द्रूूत रुपमा यस संक्रमणको विस्तार भइरहेको छ ।
विश्व स्वास्थ्य संगठनले सार्वजनिक गरेकोे पछिल्लो विवरणअनुसार संंंसारभरि ५ लाख ९७ हजार ४५८ जना कोरोना भाइरसबाट संक्रमित भएका छन् । संक्रमित व्यक्तिहरूमध्ये १ लाख ३३ हजार ३७३ जना उपचारपछि घर फर्किएका छन् ।
चीनको हुबेइ प्रान्तको उहान शहरबाट शुरु भएको कोभिड–१९ लाई विश्व स्वास्थ्य संगनले ‘विश्वव्यापी महामारी’को संज्ञा दिएको छ । सोही बमोजिम नागरिकलाई सतर्कता अपनाउन पनि विश्व स्वास्थ्य संगठनले विश्वका सबै देशका नागरिकलाई आग्रह गरिरहेको छ । यद्यपि इटाली र स्पेनमा यस भाइरसका कारण भयावह स्थिति भएको छ ।
कोरोना भाइरस संक्रमणबाट चीनमा ३ हजार २९५ जनाको मृत्यु भएको छ भने । त्यहाँ ८१ हजार ३९४ जना संक्रमित रहेका छन् । यसैबीच ७४ हजार ९७१ व्यक्ति उपचारपछि घर फर्किएका छन् । इरानमा कोरोना भाइरसको संक्रमणका कारण २ हजार ३७८ जनाको मृत्यु भएको छ । हाल ३२ हजार ३३२ जना संक्रमित रहेका छन् । एघार हजार १३३ जना उपचारपछि घर फर्किएका बताइएको छ ।
जर्मनीमा कोरोना भाइरसको संक्र्रमणको कारण ३५१ व्यक्तिको मृत्यु भएको छ । हाल त्यहाँ ५० हजार ९३८ जना सङक्रमित रहेका छन् । यहाँका छ हजार ६५८ उपचारपछि निको भएर घर फर्किएका छन् । यसरी हेर्दा जर्मनीमा पनि कोरोनाको सङ्क्रमण बढ्दै गएको अवस्था देखिएको छ ।
उता फ्रान्समा कोरोना भाइरस संक्रमणका कारण एक हजार ९९५ जनाको मृत्यु भएको छ । शनिबार प्राप्त समाचारअनुसार यहाँ ३२ हजार ९६४ संक्रमित रहेका छन् । फ्रान्समा एकैदिन ३ हजार जना सङ्क्रमित थपिएको जनाइएको छ । यहाँका पाँच हजार भन्दा बढी नागरिक उपचारपछि घर फर्किएका छन् । बेलायतमा पनि पछिल्लो समयमा कोरोना भाइरस संक्रमणको हुनेको संख्या बढ्दै गएको देखिएको छ । यहाँका ७५९ व्यक्तिको मृत्यु भएको छ । यहाँका १४ हजार ६५८ संक्रमित भएका छन् । यहाँका करिब ५०० जना भने उपचारपछि निको भएर घर फर्किएका छन् ।
नेडरल्याण्डमा कोरोना भाइरस संक्रमणको कारण ५४६ व्यक्तिको मृत्यु भएको छ । आठ हजार ६०३ संक्रमित भएका छन् । यसैबीच ३ जना भने उपचारपछि निको भएर घर फर्किएका छन् । दक्षिण कोरियामा कोरोना भाइरस संक्रमणको कारण १४४ व्यक्तिको मृत्यु भएको छ । नौ हजार ४७८ संक्रमित भएका छन् । चार हजार ८११ उपचारपछि निको भएर घर फर्किएका छन् ।
स्विट्जरल्याण्डमा कोरोना भाइरस संक्रमणको कारण २३१ व्यक्तिको मृत्यु भएको छ । १२ हजार ९२८ संक्रमित भएका छन् । यसैबीच १३१ जना भने उपचारपछि घर फर्किएका छन् ।
यसैगरी यस संक्रमणबाट अष्ट्रिया, बेल्जियम, नर्वे, अष्ट्रेलिया, ब्राजिल, स्वेडेन, पोर्चुगल, क्यानाडा, डेनमार्क, मलेसिया, आयरल्याण्ड, पोल्याण्ड, ग्रीस, इन्डोनेसिया, फिलिपिन्स, हङकङ, इराक, अल्जेरिया, भारत, पाकिस्तान, थाईल्याण्ड, सिंगापुर, रुस, पेरुलगायतका देशमा पनि नागरिकको ज्यान गएको छ । संक्रमणबाट शनिबार दिउँसोसम्ममा मर्नेको संख्या २७ हजार ४३८ पुगेको छ भने विश्वभर संक्रमित ६ लाख १ हजार १८ पुगेका छन् । जसमध्ये १ लाख ३३ हजार ४५४ जना रिकभर भएर घर फर्किएका छन् ।