काठमाडौं । नमस्ते पे ले नयाँ वर्षको उपलक्ष्यमा उडान टिकट र इन्टरनेट विल भुक्तानीमा आफ्ना प्रयोगकर्ताहरूका लागि नगद फिर्ता दिने विशेष अफर सुरु गरेको छ ।
यो अफर चैत्र २६ गते देखि वैशाख ५ गते सम्म उपलब्ध हुने कम्पनीले जनाएको छ । नमस्ते पे मार्फत हवाई टिकट खरिद गर्ने उडानकर्ताहरूले प्रत्येक टिकटमा तत्कालै रु १५० को क्यासब्याक प्राप्त गर्न सक्नेछन् ।
क्यासब्याक प्रतिटिकट मान्य छ र प्रतिलेनदेनमा सीमित छैन । तसर्थ उडानकर्ताहरूले जति धेरै टिकट खरिद गर्नेछन् उति बढी क्यासब्याक प्राप्त गर्न सक्नेछन् । त्यसै गरी नमस्ते पे मार्फत र इन्टरनेटको टिकट भुक्तानी गने प्रयोगकर्ताहरूले ५ प्रतिशत अथवा रु १०० सम्मको क्यासब्याक प्राप्त सक्नेछन् । यस अफर अन्तरगत नमस्ते पे प्रयोगकर्ताहरूले उडान टिकट र इन्टरनेटको विल भुक्तानीमा क्यासब्याकको लागि योग्य हुन प्रोमोकोड प्रयोग गर्नु पर्दैन ।
कम्पनीका अनुसार नमस्ते पे नगदरहित समाज सिर्जना गर्ने प्रयासमा उल्लेख्य भूमिका खेल्ने उद्देश्यले नेपाल डिजिटल पेमेन्ट कम्पनी लिमिटेडद्वारा सुरु गरिएको डिजिटल भुक्तानी सेवा हो ।
आधुनिक प्रविधिको प्रयोग मार्फत र सरल र सुरक्षित डिजिटल भुक्तानी सेवा प्रदान गरी बैंक र डिजिटल प्रविधिमा पहुँच भएका तथा नभएका सबै उपभोक्तालाई आधुनिक वित्तीय सेवा प्रदान गर्नु यस वालेटको उद्देश्य छ । जस अनुरूप स्टार ५०० ह्याज डायल गरेर नमस्ते पे प्रयोगकर्ताहरूले अफलाइन सेवाहरूको फाइदा लिन सक्ने छन् ।
रिचार्ज, बिल भक्तानी, पैसा थप्नुहोस्, पैसा पठाउनुहोस्, व्यापारी भुक्तानी जस्ता सेवाहरू अफलाइन उपलब्ध छन् । नेपाल टेलिकमको सिम भएका नमस्ते पे प्रयोगकर्ताहरूले अफलाइन सेवाहरू प्रयोग गर्न सक्नेछन् ।
