काठमाडौं । नेकपा एमाले जिल्ला कमिटी बाजुराको अध्यक्षमा लाल बहादुर ओली निर्वाचित भएका छन् । नेकपा एमाले आठौँ जिल्ला अधिवेशनबाट पदाधिकारीमा ओलीको प्यानलै विजयी भएको हो । अध्यक्षमा ओलीले २१८ मत पाउँदा उनका प्रत्याशी भरत बहादुर थापाले २०३ मत पाएका थिए ।
उपाध्यक्षमा जनक कुमार बोहरा, सचिवमा काशी बहादुर बिक, उपसचिवमा हरि बहादुर रोकाया र राजकला सार्की विजयी भएका छन् । अध्यक्षमा भरतबहादुर थापा र लालबहादुर ओली प्यानल बनाएर चुनावी मैदानमा उत्रिएका थिए ।
भरत बहादुर थापालाई एमाले स्थायी कमिटी सदस्य कर्ण बहादुर थापाको समर्थन थियो भने लाल बहादुर ओलीलाई एमाले केन्द्रीय सदस्य लाल बहादुर थापाको समर्थन रहेको थियो । केन्द्रीय तहका दुवै नेता बुढिगंगा नगरपालिकाका हुन् । पदाधिकारीको मत परिणाम सार्वजनिक भएपनि सदस्यहरूको भने अझै भएको छैन ।
