रास्वपा संसदीय दलको बैठक जारी

काठमाडौं । राष्ट्रिय स्वतन्त्र पार्टी (रास्वपा) संसदीय दलको बैठक जारी छ । केहि बेरअघि सुरु भएको बैठकमा समसामयिक अवस्थाका साथसाथै प्रधानमन्त्रीलाई विश्वासको मत दिने सम्बन्धमा छलफल भइरहेको बताइएको छ ।

बैठकमा सहकारी प्रकरणमा बन्ने संसदीय छानबिन समितिमा पार्टीको रणनीतिका बारे पनि छलफल हुने बताइएको छ । नेपाली कांग्रेसले रास्वपा सभापति एवम् गृहमन्त्री रवि लामिछानेमाथि अनुसन्धान गर्न संसदीय समिति गठनको माग गर्दै निरन्तर संसद अवरुद्ध गर्दै आइरहेको छ । सो विषयमा छानविन समिति बनाउन दलहरु सहमत भएपनि कार्यादेश तय हुन सकेको छैन ।