कलंकीमा गुन्डागर्दीको आरोपमा २ जना पक्राउ

काठमाडौं । काठमाडौंको कलंकी क्षेत्रमा गुन्डागर्दीमा संलग्न रहेको भन्दै २ जनालाई काठमाडौं प्रहरीले पक्राउ गरेको छ । स्थानीय सुरज कार्की र अभिषेक सिंह पक्राउ परेका हुन् ।

उनीहरूले स्थानीयलाई धम्क्याएर पैसा असुली गरेको उजुरीका आधारमा पक्राउ गरिएको जिल्ला प्रहरी परिसर, काठमाडौंका एसपी नवराज अधिकारीले बताए ।

पैसा नदिए उनीहरुले कुटपिट र लछारपसारसमेत गरेका थिए । पक्राउ परेकामध्ये सिंह बैंकिङ कसुर मुद्दामा पनि फरार रहेको खुलेको छ । उनीहरूबाट अरू पीडित भएमा उजुरी गर्न प्रहरीले आग्रह गरेको छ ।