चितवनमा सुनचाँदी पसलमा लुटपाट, ४ जना पक्राउ

काठमाडौं । चितवनको कालिका नगरपालिका–६ खोलेसिमल बजारमा रहेको एक सुनचाँदी पसलमा लुटपाट भएको छ । शनिबार राति पौने नौ बजे विनोद सुनारको सुनचाँदी पसलमा लुटपाट भएको हो । पसलबाट करिब ३ केजी सुन, ३५ केजी चाँदी र २ लाख नगद लुटपाट भएको प्रहरीले जनाएको छ ।

प्रहरीका अनुसार दुई जना व्यक्तिले पेस्तोल जस्तो वस्तु देखाएर सुनचाँदी र नगद लुटेर भागेका थिए । लुटपाट गर्नेहरुले पसलमा रहेको सीसीटीभीको हार्डडिस्क पनि लगेका छन् । प्रहरीले लुटपाटमा संलग्न भएको भन्दै ४ जनालाई नियन्त्रणमा लिएर अनुसन्धान गरिरहेको छ ।