काठमाडौं । लंका फिल्म प्रालिद्वारा निर्मित चलचित्र ‘ब्ल्याक छायाँ’को ‘बुट्टे रुमाल’ बोलको गीत सार्वजनिक गरिएको छ । आगामी साउन ११ गतेबाट देशव्यापी प्रदर्शनमा आउने चलचित्र ‘ब्ल्याक छायाँ’मा मायाप्रेम र सस्पेन्स थ्रीलरलाई मनोरञ्जनात्मक रुपमा प्रस्तुत गरिएको निर्देशक राजु लामा माेक्तानले बताए ।
सार्वजनिक गीत ‘बुट्टे रुमाल’मा शब्द डीबी खनाल, संगीत राजेन्द्र बजगाई, स्वर भुवनप्यासी र मेलिना राईको रहेको छ ।
यस चलचित्रमा नीर शाह, सुनील थापा, धीरेन शाक्य, सलोन बस्नेत, सुष्मा कार्की, जान्हवी बस्नेत, बुद्धि तामाङ, रुविना कार्की, सोभित बस्नेत, रविन्द्र झा, निमा दार्जे मुक्तान, आरएल लामा मुक्तान लगायतको अभिनय रहेको छ ।
चलचित्रका निर्माता रेल्लुमाया तामाङ, बिन दुरुङच्याङ मगर ‘मैना’, आर. सोनाम मुक्तान हुन् । खड्ग लामा माेक्तानकाे प्रस्तुती रहेको यस चलचित्रमा शोसिका तामाङ, ‘रजनी’ र श्यामबहादुर माेक्तान ‘डेबिट’ सह–निर्मातामा रहेका छन् ।
