काठमाडौं । ललितपुरको बालकुमारीमा ट्रकले स्कुटरलाई ठक्कर दिँदा एक युवकको मृत्यु भएको छ ।
कोटेश्वरबाट ललितपुरको ग्वार्कोतर्फ जाँदै गरेको ट्रकले सोही दिशातिर गुडिरहेको बा ८३ प ८१७८ नम्बरको स्कुटरलाई ठक्कर दिंदा सिन्धुलीको तीनपाटन गाउँपालिका ७ घर भई भक्तपुरको बालकोट बस्ने ३५ वर्षीय रमेशकुमार पाण्डेको मृत्यु भएको हो ।
ट्रकको ठक्करबाट गम्भीर घाइते भएका पाण्डेलाई उद्दार गरी अस्पताल पुर्याइएपनि उनको उपचारकै क्रममा राति नै मृत्यु भएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए ।
पाण्डेको शव अहिले पनि बीएण्डबीमै राखिएको छ । उनका आफन्तलाई घटनाको विषयमा खबर भइसकेको प्रहरीले जनाएको छ । दुर्घटनापछि ट्रक चालक धादिङका विशाल राईलाई प्रहरीले पक्राउ गरेको छ ।
