एजेन्सी । युरो कप फुटबल २०२४ मा फ्रान्सले बिजयी सुरुआत गरेको छ । जर्मनीमा गएराति सम्पन्न खेलमा अस्ट्रियालाई १–० ले पराजित गर्दै फ्रान्सले बिजयी सुरुआत गरेको हो ।निकै प्रतिस्पर्धात्मक खेलमा जितको लागि फ्रान्सलाई आत्मघाती गोलको साहारा लिनपरेको थियो । म्याक्सिमिलेन वेबरले ३८ औं मिनेटमा गरेको आत्मघाती गोल नै खेलको निर्णायक बन्यो ।
फ्रान्स युरोकपको पूर्वविजेता पनि हो । फ्रान्सले सन् १९८४ मा युरोकपको उपाधि चुमेको थियो । आत्मघाती गोलमा विजयी बनेपनि खेलमा फ्रान्सलाई झड्का लाग्न पुग्यो ।
खेलको अन्तिम समयमा फ्रान्सका कप्तान एमबाप्पे घाइते हुँदै मैदान छाड्न बाध्य भए । खेलका दौरान नाकमा चोट लागेपछि एमबाप्पेलाई अस्पताल लगिएको थियो । उनको नाकको शल्यक्रिया गर्नुपर्ने बताइएको छ ।
