काठमाडौं । गायन रियालिटी शो ‘नेपाल आइडल सिजन ५’ को उपाधि करण परियारले जितेका छन् । शनिबार साँझ सम्पन्न ग्राण्ड फिनालेमा तीनजना प्रतिस्पर्धीलाई पछि पार्दै बर्दियाका परियार विजेता घोषित भएका हुन ।
परियारले २५ लाख रुपैयाँ नगद पुरस्कार पाए । फस्ट रनरअप पोखराकी सलोमी गुरूङ हुँदा सेकेन्ड रनरअप दार्जिलिङका सचिन विश्वकर्मा घोषित भए । फस्ट रनरअप गुरूङले १० लाख र सेकेन्ड रनरअप विश्वकर्माले ५ लाख नगद पुस्कार पाए ।
त्यस्तै, थर्ड रनरअप दार्जलिङका मोहित भुजेल घोषित भए । उनले स्कुटर पुरस्कार पाए । यसअघि पहिलो सिजनमा बुद्ध लामा, दोस्रोमा रवि ओड, तेस्रोमा सज्जा चौलागाईं र चौथोमा भूपेन्द्र थापा मगरले नेपाल आइडलको उपाधि चुमेका थिए ।
