काठमाडौं । माध्यमिक शिक्षा परीक्षा (एसईई) को नतिजा अब एनसेल एपमार्फत पनि हेर्न सकिने भएको छ । राष्ट्रिय परीक्षा बोर्डले प्रकाशित गरेको सूचना अनुसार, एसइई २०८० को नतिजा एनसेल एपबाट पनि हेर्न सकिने भएको हो ।
एनसेल एपको होम स्क्रिनमा गई एसईई रिजल्टमा ट्याप गरेर परीक्षार्थीको सिम्बोल नम्बर र जन्म मिति सबमिट गरेर नतिजा हेर्ने सकिने छ । बोर्डले नतिजा प्रकाशित भएसँगै सहज रूपमा नतिजा हेर्नका लागि विभिन्न माध्यमको व्यवस्था गरेको छ ।
२०८० सालको नियमित तथा ग्रेड वृद्धि परीक्षाको नतिजा सम्बन्धी विवरण अनुमति पाएका वेबसाइट, एसएमएस र आइभीआर सेवाबाट पनि लिन सकिने बोर्डले जनाएको छ । बोर्डले गत चैत १५ गतेदेखि सञ्चालित देशभरका ५ लाख ४ हजार ४१४ जना विद्यार्थी सहभागी एसईई परीक्षाको नतिजा प्रकाशन गर्न अन्तिम तयारी गरिरहेको छ ।
