नक्कली भुटानी शरणार्थी प्रकरण : बेचन झालाई ७ दिन थुनामा राख्न आदेश

काठमाडौं । काठमाडौं जिल्ला अदालतले नक्कली भुटानी शरणार्थी प्रकरणमा पक्राउ परेका बेचन झालाई ७ दिन थुनामा राखेर अनुसन्धान गर्न आदेश दिएको छ ।

प्रहरीको विशेष ब्यूरोको टोलीले शुक्रबार राति बेचनलाई भारतबाट समातेर शुक्रबार जिल्ला प्रहरी परिसर, काठमाडौंको जिम्मा लगाएको थियो । झालाई आइतबार म्याद थपका लागि अदालत पेश गरिएको थियो ।

यस प्रकरणको अनुसन्धान सुरु भएदेखि नै फरार रहेका झाको संलग्नता भने धेरै पछि खुलेको थियो । छानबिनका क्रममा उनको नाममा हिमालय बैंकको २ करोड रुपैयाँको चेक रामशरण केसीले काटिदिएको खुलेको थियो ।