पूर्वगृहमन्त्री बादलका छोरा प्रतीक थापालाई भोलि अदालत पेश गरिने

काठमाडौं । नक्कली भुटानी शरणार्थी प्रकरणमा पक्राउ परेका नेकपा एमालेका नेता तथा पूर्वगृहमन्त्री रामबहादुर थापाका छोरा प्रतीक थापालाई सोमबार अदालत पेश गरिने भएको छ । आइतबार पालो नआएको भन्दै पुनः सोमबार ल्याउन अदालतले आदेश दिएको हो ।

शुक्रबार राति पक्राउ परेका थापालाई सुनुवाइका लागि प्रहरीले आइतबार जिल्ला अदालत काठमाडौंमा पेश गरेको थियो । यस मुद्दामा एमाले नेता टोपबहादुर रायमाझीसहित ७ जना पुर्पक्षका लागि थुनामा छन् । नेपाली कांग्रेसका नेता बालकृष्ण खाँण र आङटावा शेर्पासहितका आरोपीहरु भने धरौटीमा रिहा भएका छन् ।