काठमाडौं । गएराति पूर्वपश्चिम राजमार्गअन्तर्गत धनुषामा जन्ती बोकेको बस पल्टिँदा १३ जना घाइते भएका छन् । सर्लाहीबाट बेहुली लिन लहान जाँदै गरेको ना ५ ख ४४९२ नम्बरको बस धनुषाको गणेशमान चारनाथ नगरपालिका–८ पोर्ताहामा दुर्घटना हुँदा १३ लजना घाइते भएका हुन् ।
राति ९ बजेतिर सडकमा हिँडिरहेका एकजना पैदल यात्रुलाई जोगाउन खोज्दा बस पल्टिएको जिल्ला प्रहरी कार्यालय धनुषाका डीएसपी रन्जन अबाले जानकारी दिए ।
घाइतेमध्ये एक जनाको अवस्था गम्भीर रहेको र अन्य १२ जनाको अवस्था सामान्य रहेको उनले बताए । घाइते सबैको धनुषाकै गोदारमा रहेको रिया पोलिक्लिनिकमा उपचार भइरहेको प्रहरीले जनाएको छ । दुर्घटना पश्चात फरार रहेका बसका चालकको खोजी भइरहेको डीएसपी अबाले बताए ।
