काठमाडौं । काठमाडौं महानगरपालिकाका मेयर बालेन शाहले एमाले–कांग्रेसको नयाँ गठबन्धनप्रति व्यंग्य गरेका छन् ।
मंगलबार बिहानै सामाजिक सञ्जालमार्फत् मेयर बालेनले नयाँ सत्ता समीकरणको तयारीमा रहेका एमाले अध्यक्ष केपी ओली र कांग्रेस सभापति शेरबहादुर देउवालाई व्यंग्य गरेका हुन् । उनले ओली–देउवाको तस्वीर सेयर गर्दै लेखेका छन्, ‘यो समय गिरिबन्धु चियाको हो । काले काले मिलेर खाऊँ भाले !’
सोमबार मध्यराति एमाले र कांग्रेसबीच नयाँ सरकार गठन गर्ने सहमति भएको थियो । मेयर बालेनले एमाले अध्यक्ष ओलीलाई झापाको गिरीबन्धु टी–स्टेट काण्डमा करोडौँ घोटाला गरेको आरोप लगाउँदै आएका छन् ।
